7-февралдан бери дайынсыз болуп жаткан 1972-жылы туулган эркек кишинин жансыз денеси Чоң Чүй каналынан табылды. Бул тууралуу бүгүн, 19-февралда ӨКМдин басма сөз кызматынан билдиришти.
Маалыматка караганда, жоголгон жарандын бут кийими каналдын боюнан табылгандыгына байланыштуу, туугандары ӨКМге Чоң-Чүй каналын бойлой издеп берүү өтүнүчү менен кайрылышкан.
“18-февраль күнү издөө иштерин жүргүзүү үчүн саат 08:30да ӨКМден жалпы 18 куткаруучу тартылып, саат 10:40та маркумдун жансыз денесин суудан табышып, ИИМ кызматкерлерине өткөрүп беришкен”,— деп айтылат маалыматта.