18-августта таң эрте Бишкек шаарынын Муромская көчөсүндө жайгашкан үйдөн өрт чыккан. Бул тууралуу ӨКМден билдиришти.
Өрттү өчүрүүгө саат 7:17де Биринчи Май райондук №4 ӨКБдан 1, андан соң Ленин райондук №6 ӨКБдан 1 күжүрмөн эсеп тартылган. Буга кошумча саат 7:41де Ленин райондук №6 ӨКБдан 1, саат 7:44тө штаб жөнөтүлгөн. Жалпысынан 3 күжүрмөн эсеп, штаб, 1 суу ташуучу унаа тилсиз жоо менен күрөшүп, саат 8:13тө чектөөгө алынды. Учурда толук өчүрүү иштери жүргүзүлүүдө.
