Чүйдө 23 жаштагы жарандын унаасын айдап качып, башка бирөөгө сатууга шектелген жаран кармалды. Бул тууралуу Чүй ОИИБден билдиришти.
Маалыматка караганда, милицияга 23 жаштагы жаран арыз менен кайрылып, 30-сентябрда анын ак түстөгү Тойота үлгүсүндөгү унаасын белгисиз адамдар уурдап кеткенин билдирип, аларга мыйзам түрүндө чара көрүүнү сураган. Аталган факты Кылмыш-жаза кодексинин 206-беренесинин (автотранспорт каражатын уурдоо) негизинде катталып, сотко чейинки териштирүүлөр башталган.
Бул факты боюнча ыкчам-иликтөө иш-чараларынын жүрүшүндө милиция кызматкерлери шектүү жаранды кармашкан, анын 1993-жылы жаран экендиги аныкталган. Кармалган адам убактылуу кармоочу жайга киргизилген. Ошондой эле жогоруда аталган жаран унааны башка жаранга сатканы маалым болгон. Сотко чейинки териштирүүлөр уланууда.