Чүй облусунда социалдык тармак аркылуу экстремисттик материалдарды тараткан “Хизб ут-Тахрир” диний экстремистик уюмунун активдүү мүчөсү кармалды. Бул тууралуу облустук ички иштер башкы башкармалыгынын басма сөз кызматынан билдиришти.
Маалыматка караганда, Фейсбукта диний-экстремисттик уюмдун материалдарын тараткан аккаунт аныкталган. Жүргүзүлгөн экспертиза материалдарда тыюу салынган идеологиянын мазмунун тастыктаган. Кылмышка шектелип, 48 жаштагы жаран кармалган. Тергөө уланууда.