Ичкиликтен чыккан уруш адамдын өлүмү менен аяктады. Бул тууралуу Чүй ОИИБден билдиришти.
Ушул айдын башында Аламүдүн РИИБгө Ленинское айылынын 1963-жылы туулган тургундун өзүнүн үйүндө, жансыз денеси бычактан алган жаракаты менен табылгандыгы боюнча маалымат түшкөн. Аталган окуя боюнча Аламүдүн РИИБдин тергөө кызматында 122-берене менен кылмыш иши козголгон.
Жүргүзүлгөн ыкчам-тергөө амалдарынын натыйжасында, бул кылмышты жасаган адам аныкталды. Ал өлгөн адам менен чогуу жашаган 1977-жылы туулган аял болуп чыккан. Кылмыш ичкиликтен келип чыккан уруштун айынан болгондугу аныкталган. Кылмыш иши боюнча тергөө уланып жатат.