Жөө жүргүнчүнү сүзүп, окуя болгон жерден качып кеткен айдоочу кармалды. Бул тууралуу Чүй облустук жол кыймылынын коопсуздугун камсыздоо башкармалыгынан билдиришти.
Маалыматка караганда, 23-ноябрь күнү саат 00:36 чамасында Беловодское айылында 1977-жылы туулган жөө жүргүнчүнү унаа сүзүп, качып кеткен. Ал эми жөө жүргүнчү жол кырсыгы болгон жерден көз жумган. Бул факты боюнча кылмышка шектүү катары 1985-жылы туулган жаран кармалып, андан ары тийиштүү чара көрүү үчүн Москва РИИБге жеткирилген. Ал эми Субару Форстер үлгүсүндөгү унаасы айып короо жайына токтотулду.