Ысык-Атада киши өлтүрүүгө шектүү кармалды. Бул тууралуу Чүй ОИИБден билдиришти.
Маалыматка караганда, 26-апрелде болжол менен саат 22:00дө Ысык-Ата районундагы Сын-Таш айылында 1974-жылы туулган жаран менен 1970-жылы туулган жаран спирт ичимдигин ичип отуруп, уруша кетишкен. Натыйжада мушташ жаралып, 1974-жылы туулган жаран жанындагы адамга бир нече жолу бычак сайылган. Кесепетинен 1970-жылы туулган жаран алган жаракатынан көз жумган.
Бул факты боюнча кылмыш иши козголгон. Шектүү кармалып, убактылуу кармоочу жайга киргизилген. Тергөө уланууда.