4-апрелде саат 14:00дө Алга айылына жакын жердеги суу сактагычтын жанындагы талаада жергиликтүү тургун жерде жаткан жана скотч менен оролгон адамды көрүп, дароо миилцияга кабарлаган. Окуя болгон жерге барган милиция кызматкерлери тарабынан анын 1989-жылы туулган жаран экени аныкталган. Анын оозу, көзү, колу, буту, денеси скотчтолгон абалда болгон. Бошотулган жаран арыз менен кайрылып, 3-апрелде саат 20:00дөр чамасында Бишкек шаарында белгисиз адамдар менен жолугуп, өздөрүн мурда сатыкка коюлган Range Rover үлгүсүндөгү унааны сатып алам деп тааныштырганын билдирген. Достоевский жана Анкара көчөлөрүнүн кесилишинен жолугуп, бул адамдар өлтүрөм деп коркутуп, күч колдонуп, скотч менен ороп, унаанын документтерин, 50 000 сом акчасын жана iPhone 11 Pro телефонун алып кетишкен. Ал эми Range Rover унаасын белгисиз тарапка алып кетишкен.
Чүйдө оозу, көзү, колу-буту скотчтолгон киши 12 саат бою талаада жаткан. Шектүүлөр кармалды (видео)
Чүйдүн Ысык-Ата районундагы талаада 12 сааттан ашык убакыт оозу, көзү, колу, буту, денеси скотчтолгон жаран жаткан. Шектүүлөр кармалды. Бул тууралуу Чүй ОИИБден билдиришти.
Аталган факты боюнча кылмыш иши козголгон. Кылмышка шектүү катары 1998, 1994 жана 1994-жылы туулган кыз киши кармалган. Ал эми унаа Ош облусунун аймагында аныкталган.
