Бишкектин «ДОсОО-Форт» базарынын маңдайында муниципалдык аймакта жайгашкан май токоч сатуучу күркөдөн өрт чыкты. Бул тууралуу Өзгөчө кырдаалдар министрлигинен маалымдашты.
Өрттү өчүрүүгө саат 13:09дан тарта 2 күжүрмөн эсеп тартылып, тилсиз жоо саат 13:45те чектөөгө алынган. Учурда өрттү толук өчүрүү иши жүрүүдө. Өрт кырсыгынан жабыркагандар жок. Алдын ала маалымат боюнча өрттүн жалпы аянты 70 чарчы метрди түзөт.
