ИИМ кызматкерлери Бишкекте электрондук тамекиде колдонууга керектелген контрабандалык гашиш майынын партиясын аныкташты жана кармашты. Бул тууралуу Ички иштер министрлигинин басма сөз кызматынан билдиришти.
«15-сентябрда кызматкерлер «Северная» темир жол бажысынын кызматкерлери менен бирге АКШдан жөнөтүү алып жатканда, Чүй облусунун 31 жаштагы тургунун кармашкан. Кармалган жарандан куту алынган, анын ичинде белгисиз суюктук бар айнек бөтөлкөлөр, ошондой эле сары суюктук толтургуч менен Saucey деген жазуусу бар капсула түрүндөгү түтүктөр болгон»,- деп айтылат билдирүүдө.
Экспертиза көрсөткөндөй, алынган зат гашиш майы болгон. Биринчи Май райондук сотунун чечими менен шектүү СИЗО-1ге эки айга камакка алынды.
