Бишкек шаарынын Биринчи май райондук соту Фарид Ниязовду СИЗО-1 абагында дагы 2 айга камакта калтырды. Бул тууралуу жактоочу Жаманкул Жунусов билдирди.
Анын айтымында, 4 айдан бери Фарид Ниязовдун катышуусунда бир дагы тергөө иштери жүргүзүлгөн эмес.
«Аны массалык баш аламандык уюштурган деп айыптап жатышат. Бирок анын күнөөсү жок», — деди жактоочу.
Фарид Ниязов 9-октябрда Бишкектин «Ала-Тоо» аянтындагы башаламандык үчүн шектелип кармалган.