«Империя пиццы» кафесинде пакистандык студент сабалды. Бул тууралуу Свердлов районунун ички иштер башкармалыгынан билдиришти.
Маалыматка ылайык, милицияга арыз менен Пакистандын жараны кайрылган. Анда ал 5-декабрда саат 01:00дөр чамасында Чүй проспектисинде жайгашкан «Империя пиццы» кафесинде белгисиз бирөөлөр сабап салышканын айткан.
Аталган факты боюнча Кылмыш-жаза кодексинин «бейбаштык» беренеси боюнча кылмыш иши козголгон. Кылмышка шектүү катары үч жаран аныкталды, алардын экөө 28 жашта, дагы бирөө 29 жашта. Тергөө иштери уланууда.