Бишкек-Ош унаа жолунун 280-чакырымында VOLVO оор жүк ташуучу унаа менен Honda Stepwgn үлгүсүндөгү унаанын катышуусунда жол кырсыгы катталды. Бул тууралуу ӨКМден билдиришти.
Кырсыктын кесепетинен 1980 жана 1996-жылы туулган эки жаран каза болуп, 6 эркек киши ар кандай жаракаттарды алышкан.
Жерине Токтогул райондук №97 ӨКБдан 5 куткаруучу тартылып, каза болгон адамдарды унаадан чыгарышып, Токтогул райондук ооруканасынын өлүкканасына жеткиришкен. Ал эми жабыркаган адамдарды тез жардам кызматкерлерине өткөрүп беришкен.
