Кечээ, 2-январда Баткенде 2 жаштагы кызын сабап, видеодо тарткан келиндин бөгөт чарасы каралып, 1 айга камакка алынды. Соттук отурумдан кийин «Турмуш» басылмасынын кабарчысы милиция алып кетип жаткан келинге бир нече суроо берип жетишкен. Анда келин жолдошунун койгон талабын айтып берген.
«Баласын урду деп чечим чыгарды. Тергөөчү камап бер деди. Баламдын бетинде кызарганы жок болсо да, кызарган деди. Жолдошум «атамды атып кеткен кишини кечирсең, тосмо арыз жазам» деди. Мага кечиресиң деп суранып жатат», — деди ал.
Өткөн жылдын октябрь айында, тактап айтканда, мындан 3 ай мурда келиндин атасы менен бир тууганын үйүндө атып кетишкен. Келин атасы менен агасынын өлүмүнөн кийин стрессте жүргөнүн айткан.
- 27-январда Кадамжай районунун 1984-жылы туулган тургуну арыз менен кайрылып, анда жарандык никеде жашап жүргөн аялы Кадамжай районунун Марказ айыл аймагынын тургуну 2021-жылы туулган кызын уруп, зомбулук көргөзүп келгендигин билдирип, мыйзам чегинде чара көрүүнү суранган. 2020-жылдын март айында Кадамжай районунун 1984-жылы туулган тургуну Кадамжай районунун Марказ айыл аймагынын тургуну менен жарандык никеде жашап жүрүп, 2021-жылдын 13-мартында кыздуу болушкан, 2023-жылдын январь айынын баш чендеринде экөө өз ара келише албай ортолорундагы келишпестиктен алар чогуу жашабай калышкан. Ошол себептен аял 5-январда өзүнүн кызын уруп, уюлдук телефонуна тартып жолдошуна WhatsApp аркылуу жибергендиги аныкталган. Келин 48 саатка камакка алынып, балдары балдар үйүнө жеткирилген.