19-сентябрь күнү Бишкек шаарынын Биринчи Май РИИБдин нөөмөт бөлүмүнө Бишкек шаарындагы Эне жана баланы коргоо улуттук борборунун алдындагы Республикалык төрөт үйүндө Жалал-Абад облусунун Токтогул районунан келген жашы жете элек кыз төрөгөндүгү жөнүндө маалымат түшкөн. Бул тууралуу Жалал-Абад ОИИБден билдиришти.
Аталган маалымат 19-сентябрда Биринчи Май РИИБдин маалыматты электрондук каттоо журналына катталып, тергөөгө чейинки текшерүү иши башталган. Текшерүү ишинин жүрүшүндө кыздын зордукталганы аныкталган.
Бул факты боюнча 26-сентябрь күнү Кара-Көл ШИИБдин Тергөө кызматы тарабынан Кылмыш-жаза кодексинин 154-беренеси менен катталып, кылмыш иши козголгон. Тергөөнүн жүрүшүндө 2009-жылы туулган агасы өзүнүн көрсөтмөсүндө жасаган кылмышын мойнуна алып, 2010-жылы туулган карындашын күч колдонуп, зордуктаганын айткан.
Аталган кылмыш ишине шектүү катары 2009-жылы туулган агасы кармалып, 28-сентябрь күнү Кара-Көл ШИИБдин убактылуу кармоочу жайына киргизилген.