Кочкор районунун Өрүктам — Сары-Булак унаа жолунун 12-чакырымында жол кырсыгы катталып, бир адам көз жумду. Бул тууралуу ӨКМден билдиришти.
Маалыматка караганда, Volkswagen Passat B3 үлгүсүндөгү унаанын айдоочусу рулга ээ боло албай жолдон чыгып оодарылып, Кара-Кужур суусуна түшүп кеткен. Ал жерге 5 куткаруучу тартылган.
Кырсыктын кесепетинен 40, 56, 55 жаштагы эркек кишилер жаракат алып, 58 жаштагы киши көз жумган. Куткаруучулар каза болгон адамды унаадан чыгарып, ИИМдин кызматкерлерине өткөрүп беришкен. Жабыркаган адамдардын абалы канааттандырарлык.
