«Жумуштан кийин кармап, өлтүрөм». Балдарды мушташтырган ата кыздан башка кызматкерге да кол көтөргөн (видео)

СЕРЕП МЕДИА
4 года ago

Бишкектеги соода үйлөрүнүн биринде жайгашкан балдар оюн зоок жайында эркек киши баласын башка балдар менен мушташтырып, балдарды ажыратууга аракет кылган кызды жулкулдатып кол көтөргөн видеосу тараган. Жарандык активист Эртай Искаков аталган окуянын уландысын телеграм баракчасына жарыялады.

«Эркек киши мушташкан балдарды ажыраткан 18 жаштагы кызга гана кол салбай, соода борборунун кызматкерине да кол көтөрүптүр. Видеодогу маалыматка караганда, аталган жаран кыздын колун кайрып урайын дегенде кызматкер балдар жетип келип коргоп калышкан. Ага карабай кол салган киши кызды жумуштан кийин кармап алып өлтүрүп коём деп коркуткан. Азыр ал кыз коркуп, жалгыз көчөдө жүрө албай калган.

Окуя 14-июль күнү соода борборунун биринде болгон. Аталган жаранды камерадан окуяны карап, маалыматты тактоо үчүн администраторго чакырышкан. Териштирүү ишине кызды коргоп калган балдар да киришкен. Ал жактан эркек киши балдарды сөгүп, коркутуп кирген. Администрациядагылар 102 кызматына чалып, милиция кызматкерлерин чакырган учурда жаран баласынан кабар алуу үчүн чыгып кетип, ошол боюнча келген эмес. Милиция кызматкерлери жарым сааттан кийин келген. Окуя боюнча арыз жазылган. Медициналык экспертизанын жыйынтыктары, видео өткөрүлүп берилген. Андан бери 12 күн өттү, иш ордунан жылган жок», — деп билдирген жарандык активист.

Аталган окуя боюнча Бишкек ШИИБ СЕРЕП МЕДИА маалымат агенттигине маалымат такталып жатканын билдирди.

Categories: КЫЛМЫШ, КЫРСЫКТАР

Related Content

Кыздын кашын, чачын алып кыйнашкан. Кылмышка шектүүлөр кармалды

Бишкектин Бакай-Ата конушунда 2 окуучу сууга чөгүп көз жумду

Өзгөндө жол талаша кетүүдөн бирөө каза болуп, шектүү делген экинчиси кармалды

Токтогулда кишини өлтүрө сүзүп, унаасын эвакуаторго жүктөп бараткан айдоочу Төө-Ашуудан кармалды

Зордуктады деген айыпты тагуу үчүн 350 миң сом опузалоого шектелген милиция кызматкери кармалды