Кызыл-Кыяда мечиттин жанына калтырылган ымыркай табылды. Бул тууралуу Баткен облустук ички иштер башкармалыгынан кабарлашты.
«Кызыл-Кыя шаарындагы “Аль-Гуфран” атындагы мечитке эрте менен азан чакыруу үчүн молдо барган учурда мечиттин ичинде ак шейшепке оролгон эркек жыныстуу жаш бала табылган. Бул факт 2025-жылдын 3-январь күнү Кызыл-Кыя ШИИБдин журналына катталып, учурда текшерүү иштери жүргүзүлүүдө», — деп жазылат билдирүүдө.
Табылган ымыркай Кызыл-Кыя шаардык биргелешкен ооруканасына жеткирилип, медицина кызматкерлеринин көзөмөлүнө алынган. Абалы туруктуу.
