Лейлекте 10 жылга жакын издөөдө жүргөн жаран башка өлкөдөн кармалып келди. Бул тууралуу Баткен ОИИБден билдиришти.
Лейлек районунун Раззаков шаарынын 39 жаштагы тургуну 2015-жылы бейбаштык жасап, кылмыш жоопкерчилигинен кутулуу максатында из жашырып кеткен. 2015-жылдын август айынан бери Лейлек РИИБдин ыкчам кызматкерлери издөө иштерин жүргүзүп, кылмышка шектүүнүн жүргөн жери аныкталган эмес.
Лейлек РИИБдин ыкчам кызматкерлеринин жүргүзгөн ыкчам- иликтөө иштеринин натыйжасында Орусияда экендиги аныкталып, орусиялык кесиптештердин жардамы менен кармалып, Лейлек РИИБдин убактылуу кармоо жайына киргизилди. Учурда тергөө иштери уланууда.