Баткен облусунун Лейлек районунда тажик жараны баңгизаттарды сатуу учурунда кармалды. Бул туурасында ИИМден билдиришти.
Маалыматка караганда, Баңгизатын мыйзамсыз жүгүртүүгө каршы күрөшүү кызматына болжол менен 30-35 жаш чамаларындагы азиат түспөлүндөгү жаран Тажикстандан Казакстанга ири өлчөмдөгү баңгизаттарды ташуу жана сатуу менен алектенип жүрөт деген ыкчам маалымат келип түшкөн.
Бул факт боюнча Жазык кодексинин 267-беренесинин белгилери менен каралган сотко чейинки өндүрүш иши башталган.
Ыкчам-тергөө иш-чараларынын натыйжасында 20-апрелде Баткен облусунун Лейлек районунда тажик жараны, эл аралык баңги топтун активдүү мүчөсү Х.М. баңгизаттарды сатуу учурунда кармалган.
Аталган иш-чараны жүргүзүү учурунда кызматкерлер сатууга дайындалган афган баңгизатынын партиясынын бардыгын табышкан. Соттук-химиялык экспертизалык изилдөөнүн корутундусунун негизинде
табылып алынган зат 2 килограммды түзгөн Афганистанда өндүрүлгөн «героин» баңгизаты деп аныкталган. Азыркы учурда аталган кылмышка тиешеси бар башка жактарды аныктообоюнча тергөө-ыкчам иш- чараларын жүргүзүү уланууда.
