Липосакция операциясынан кийин аялдын ден соолугу начарлаган Art clinic клиникасынын лицензиясы бар. Бул тууралуу СЕРЕП МЕДИА маалымат агенттигине Саламаттыкты сактоо министрлигинен билдиришти.
Маалыматка караганда, клиника 2018-жылдын 18-октябрында жеке ишкер Алина Алиевага катталган.
Лицензияга ылайык, клиника төмөнкү кызматтарды көрсөтө алат: хирургиялык ооруларды диагностикалоо жана хирургиялык дарылоо, амбулатордук жана стационардык шартта наркоздук жана реанимациялык жеңилдиктерди берүү менен пластикалык хирургия жасоо.