Буга чейин социалдык тармактарда эркек кишинин балдар паркынын аял кызматкерине күч менен калькулятор ыргыткан видеосу тараган. Октябрь РИИБдин берген маалыматы боюнча, киши табылып, тергөө иштери жүрүп жатат.
Маалыматка караганда, окуя 2-август күнү Горький менен 7-апрель көчөлөрүнүн кесилишиндеги соода борборунда болгон. Арыз ээсинин айтымында, ошол күнү мас абалындагы белгисиз адам өзүн агрессивдүү алып жүргөн: ал аны айтышып, жаман сөздөрдү сүйлөгөн. Чыр-чатак учурунда бейтааныш адам калькуляторду алып, кыздын бетине ыргыткан.
Аталган факт боюнча Жазык кодексинин 119-беренесине ылайык (майда бейбаштык) кылмыш иши козголгон.
Милиция эркек кишинин өздүгүн тактаган. Анын 1992-жылы туулган жаран экендиги аныкталган. Мындан тышкары, алган жаракатынын оордугун аныктоо үчүн соттук медициналык экспертиза дайындалган, бирок, басма сөз кызмат белгиленгендей, жабырлануучу ден соолугуна анча чоң эмес зыян келтирилгенин айтып, экспертизадан өтүүдөн баш тарткан. Тергөө уланууда.
