Кечээ, 10-декабрда массалык баш аламандык уюштурууга элди үндөгөн Фейсбук колдонуучусу кармалды. Бул тууралуу УКМКдан билдиришти.
Кылмыш-жаза кодексинин 278-беренеси боюнча (массалык баш аламандык) козголгон кылмыш кылмыш ишинин алкагында көрүлгөн ыкчам-иликтөө иш-чараларынын жүрүшүндө массалык башаламандыкка жана мамлекеттик кызматкерлердин мыйзамдуу талаптарына активдүү баш ийбоого чакырыктарды дайыма жарыялап турган Фейсбук социалдык тармагындагы “Айман Манап” аккаунтунун колдонуучусу, 1983-жылы туулган жаран аныкталып, кармалды.
Өз аракети үчүн жоопкерчиликтен качуу үчүн колдонуучу купуялык сырларын колдонуп келген, башкача айтканда фейк аккаунтун колдонгон. Анын жашаган жеринде ыкчам тинтүү иш-чараларынын жүрүшүндө анын уюлдук телефону, ошондой эле кылмыш ишине тиешеси бар башка буюм далилдери алынды. Учурда ыкчам-иликтөө иш-чаралары жүргүзүлүүдө.
