Нарында изделип жаткан киши аты менен кошо сазга чөгүп кеткен. Бул тууралуу ӨМКден билдиришти.
Маалыматка караганда, 56 жаштагы жарандын жансыз денеси 4-мартта саздан табылган. Ал Жумгал районуна караштуу Байзак айылынын тургуну болгон. Туугандары аны 24-февралда үйдөн ат минип чыгып кеткен бойдон дайынсыз экенин айтып, 28-февралда ӨКМге кайрылышкан. 6 куткаруучу тартылып, туугандарынын көрсөтмөсү менен Жумгал суусунун жээктеринен издөө ишин жүргүзүшкөн. 4-март күнү аталган жарандын жансыз денеси саздан табылып, куткаруучулар жарандын жана минген атынын жансыз денесин саздан алып чыгышып, ИИМдин кызматкерлерине өткөрүп беришкен.