Өлкө аймагында 12 күн ичинде 647 мас айдоочу аныкталды. Бул тууралуу Жол кыймылын көзөмөлдөө башкармалыгынан билдиришти.
Маалыматка караганда, жаңы жылга карата “Бахус” аталышындагы рейддик иш-чара өткөрүлүп, 20-декабрдан тартып, 1-январга чейин өлкө аймагында 647 мас абалында унаа башкарган айдоочулар аныкталган.
Андан тышкары, унаанын тийиштүү документтери жок башкарган 474 айдоочу, унаанын терезелерин мыйзамсыз караңгылаткан 74 айдоочу жана автоээнбаштык жасаган 6 айдоочу аныкталып, баарына мыйзамга ылайык тийиштүү чаралар көрүлгөн.