Бүгүн, 21-августта Орусияда Кыргыз жарандарынын катышуусундагы ири жол кырсыгы катталды. Окуядан тартылган видеолор соцтармакта жарыяланууда.
Ульянов облусунун Николаев районундагы Прасковьино жана Новопасское айылдарынын ортосундагы М-5 «Урал» автожолунда жол кырсыгы болгондугу тууралуу жалпыга маалымдоо каражаттарында жарыяланган маалыматка байланыштуу Кыргыз мамлекетинин Орусиядагы элчилиги маалымат таратты. Алдын ала маалымат боюнча, окуянын кесепетинен 16 адам каза болгон, анын ичинен 14ү Кыргыз жараны, үчөөнүн жарандыгы такталып жатат, алар медициналык мекемеге жаткырылган. Кыргыз Республикасынын Орусиядагы элчилигинин консулдук бөлүмүнүн кызматкерлери консулдук-укуктук жардам көрсөтүү максатында окуя болгон жерге барышкан.
Жогорудагы окуянын бардык жагдайларын тактоо максатында Ульянов районунун укук коргоо жана компетенттүү органдарынын өкүлдөрү менен байланыш түзүлдү.