Москванын Зеленоград административдик округунда орусиялык жаран эки кыргызстандыкка ок чыгарган. Бул тууралуу ТИМден билдиришти.
Маалыматка караганда, 26-августтан кечинде аталган аймактагы кафеде чыр чыккан. Чырдын жүрүшүндө ок атылып, шектүү изин жашырган. Алган жаракатынан Кыргызстандын 1989-жылы туулган жараны окуя болгон жерде көз жумган. Ал эми дагы бир кыргызстандык ооруканага жеткирилген. Кылмыш иши козголгон.
Кылмышка шектелип, 1984-жылы туулган жаран кармалды. Тергөө жүрүп жатат. Ал эми элчиликтин кызматкерлери маркумдун жакындары менен байланышта экенин билдиришти.