Өзгөн районунун айылдарынын биринде 27-ноябрда 8 жашар кыздын жансыз денеси асылган абалда табылды. Бул тууралуу Ош ОИИББи маалымат тараткан.
Маалыматка ылайык, жеткинчек кыздын жансыз денесин ата-энеси асылган абалда сарайдан табышкан. Окуя учурунда кыздын атасы мечитте, апасы өз иштери менен үйдө эмес болгон. Маркум кыз 4 бир туугандын улуусу.
Факты каттоого алынып, мындай жаштагы баланын өз жанын кыюусу каттала электигине байланыштуу тыкыр текшерүү иштери башталды.