Профсоюздар федерациясынын мурунку төрагасы Мирбек Асанакунов үй камагына чыкты. Маалыматты СЕРЕП МЕДИА маалымат агенттигине Биринчи Май райондук сотунан тастыкташты.
«Бишкек шаарынын Биринчи Май райондук сотунун 6-июндагы токтомуна ылайык, шектелүүчү Мирбек Асанакуновго карата камакка алуу түрүндөгү бөгөт коюу чарасы үй камагына өзгөртүлдү», — деп айтылат маалыматта.
Буга чейин УКМКдан профсоюздардын мурдагы жетекчилери 5 миллион 756 миң 700 сомду кымырып алган деп шектелип жатканын билдиришкен. Алар кармалган болчу.