12-июль күнү саат 18:00 чамасында Аксы районунун Алты-Айры жайлоосуна жааган жамгырдан кесепетинен Жолборсту сайынан сел жүрүп, 8 адамды агызып кеткен.
Издөө иштеринин натыйжасында, ошол эле күнү 7 адамдын жансыз денелери табылып, 2016-жылы туулган Айдар аттуу баланын сөөгү табылган эмес. ӨКМдин берген маалыматы боюнча ошол күндөн тарта, издөө иштери уланып жатат.
Бүгүн, 17-июлда жерине издөө иштерин улантуу максатында ӨКМден жалпы 58 куткаруучу тартылып, издөө иштери уланып жатат.