Бишкек шаарындагы кафелердин биринен акча уурдоого шектелип 25 жаштагы кыз кармалды. Бул тууралуу Милициянын кайгуул кызматынан билдиришти.
Маалыматка караганда, милициянын кайгуул кызматынын кызматкерлерине 1988-жылы туулган жаран кайрылып, Сяопин көчөсүндө жайгашкан кафелердин биринде чөнтөгүндөгү 16 миң сом акчаны белгисиз бирөө уурдап кеткенин айткан.
Кызматкерлер тарабынан жогорудагы кылмышка шектүү катары 1996-жылы туулган М.С аттуу кызды кармашкан.
Бул факт боюнча Жазык кодексинин 200-беренисине ылайык (уурдоо) кылмыш иши козголгон. Учурда тергөө иштери уланып жатат.