Чүй облустук соту 2 жаштагы наристени ур-токмокко алуу фактысы боюнча ишти карайт. Бул тууралуу СЕРЕП МЕДИА маалымат агенттигине Чүй облустук сотунан билдиришти.
Эки тарап тең биринчи инстанциянын өкүмүнө каршы даттанышкан. Сот 21-сентябрга белгиленген.
23-июнда Сокулук райондук сотунда 2 жаштагы наристенин сабалышы боюнча соттук отурум өтүп, сот шектүүгө карата чечим чыгарган. Шектүү 5 жылга эркинен ажыратылган.
- 3-февралда Сокулуктагы ооруканага 2020-жылы туулган бала дене жаракаттары менен түшкөнү маалым болгон. Чүй облусунун саламаттыкты сактоо боюнча координаторунун айтымында, бала реанимация бөлүмүнө баш мээсинин жабык жаракаты, бетинин, буту-колунун жаракаттары, бети жана моюну көгөргөн жана сыйрылган, эки колунун инфекциялуу жарааты менен жаткырылган. Кылмыш иши козголуп, наристени сабоого шектелип 34 жаштагы жаран кармалган.