Саламаттыкты сактоо министри Алымкадыр Бейшеналиев жана Билим берүү жана илим министри Догдуркүл Кендирбаева Сузактагы окуяда жабыркаган балдардын абалынан кабар алды. Бул тууралуу президенттин Жалал-Абад облусундагы өкүлчүлүгүнөн маалымдашты.
Облустук балдар ооруканасы, Сузак аймактык ооруканасы жана Октябрь ооруканасына жалпы 34 бейтап жаткырылган. Азыркы учурга карата алардын абалын дарыгерлер канааттандырарлык деп баалашууда.
