Бишкек шаарынын Ленин районундагы Сыдыгалиев көчөсүндө жайгашкан контейнерден өрт чыкты. Бул тууралуу Өзгөчө кырдаалдар министрлигинин басма сөз кызматы билдирди.
Мекемеге кырсык тууралуу маалымат саат 10:47де түшүп, шаардык өрт каршы-куткаруу бөлүктөрдөн жалынды өчүрүүгө жалпы 2 бөлүм тартылган.
Өрт чектөөгө 11:25те алынып, учурда тилсиз жоо толугу менен өчүрүлгөн.
Бирок ӨКМ азырынча эмне контейнер күйгөндүгү тууралуу маалымат бере элек.