Таласта жол кырсык катталып, унаа өрттөнүп кеткен. Унаанын ичинде аялы менен күйөөсү болгон. Социалдык тармактарда окуянын видеосу тарады.
Маалыматка карганда, кырсык кечээ, 19-октябрда саат 11:42де Боо-Терек айылынын кире беришинде катталаган. Нексия үлгүсүндөгү унаа катар өсүп турган бакты сүзүп, унаадан өрт чыккан. Текшерүү учурунда айдоочу 1957-жылы туулган Кара-Буура районунун Кызыл-Адыр айылынын тургуну экендиги, жанындагы жүргүнчүсү анын жубайы 1963-жылы туулган жаран экени аныкталды.