Санкт-Петербургда кыргызстандык жигит дүкөндү тоноп кеткен делүүдө. Ал кызматкерлерди бычак менен коркутуп, кофе, шоколад пастасы жана авокадо алып чыккан. Бул тууралуу орусиялык маалымат каражаттары жазып чыгышты.
Окуя кечээ кечинде Выборг районунда болгон. Мигрант болжол менен түнкү саат 03:30 чамасында дүкөнгө кирип, товарды тизилген жерден уурдап кеткен. Каракчыны акча кызыктырган эмес, ал рюкзагына болгону төрт пачка кофе, эки банка «Нутелла» жана авокадо салып кеткен.
Сатуучулар аны токтотууга аракет кылышкан. Төртөө бычак менен жигитке каршы чыгышкан. Бирок кыргызстандык качып кеткен. Келтирилген зыян бир жарым миң рубль болгон.
Көзөмөл камералары кылмышкерди издөөгө жардам берди. Көп өтпөй укук коргоо кызматкерлери шектүүнү таба алышты. Ал Кыргызстандан келген 24 жаштагы мигрант болуп чыкты. Бул факты боюнча «Каракчылык» беренеси боюнча кылмыш иши козголду.