Кечээ, 7-январда Транспорт жана жолдор министрлигинин статс-катчысы Эрмек Мамыркалиев коррупцияга шектелип кармалганын Финполдон маалымдашты. Ал Бишкек ШИИББинин тергөө абагына 48 саатка киргизилип, учурда ага карата тергөө иштери улантылып жатат.
Буга чейин Бишкек-Ош жолундагы коррупциялык схемалар боюнча ачылган кылмыш ишинин алкагында 27 кызмат адамы кармалганы маалымдалган эле. Статс-катчынын иши тууралуу кенен маалыматты Финпол кийинчерээк берилерин билдиришти.