УКМК социалдык тармактарда тарап жаткан видео тууралуу маалымат берди. УКМКнын кызматкерлери Украинанын аймагындагы согуштук аракеттерди чагылдырган аккаунтту аныктап, анын ээси кыргызстандык жаран экенин тастыктаган. Маалымат боюнча, ал 2021-жылдын декабрь айында эмгек мигранты катары Украинага кеткен.
«Азыркы учурда бул факты боюнча Кылмыш-жаза кодексинин 256-беренеси “Кыргыз жаранынын чет мамлекеттин аймагындагы куралдуу жаңжалдарга же согуш аракеттерге катышуусу же террордук актыны жасоо үчүн даярдыктан өтүүсү” боюнча тергөө амалдары жүрүп жатат», — деп айтылат маалыматта.