Социалдык тармактарда жарандардын жүрүп бара жаткан унаадан белине чейин чыгып алганы, унаа оодарылып аларды басып калган видео тарады. Видеонун Кызыл-Кыяда тартылганын, кырсыктын кесепетинен 2 жигит каза болгонун жазышууда.
СЕРЕП МЕДИА маалымат агенттиги Баткен облустук жол кыймылын көзөмөлдөө башкармалыгы менен байланышканыбызда, видео Кызыл-Кыяда тартылбаганын билдиришти. «Бул окуя Кызыл-Кыя шаарында болгон эмес. Ошондой эле текшерүү иштеринин жыйынтыгында мындай жол кырсыгы Баткен облусунун аймагында катталбагандыгын билдиребиз», — дешти.