Бүгүн, 28-майда Чүй облусунун Ысык-Ата районундагы Ивановка айылында үйдөн өрт чыкты. Бул тууралуу ӨКМден билдиришти.
Өрттү өчүрүүгө саат 07:03дө Ысык-Ата райондук №4 өрт куткаруу бөлүгүнөн 1 бөлүм, саат 07:16да №27 өрт-куткаруу бөлүгүнөн дагы 1 бөлүм тартылып, саат 08:43тө тилсиз жоо толук өчүрүлдү.
Өрттүн кесепетинен турак үйдүн 300 чарчы метри жана короодо токтоп турган 2 жеңил унаа толугу менен күйүп кеткен. Өрт өчүрүүчүлөрдүн аракети менен кошуна жайгашкан турак үйлөргө жалын өткөрбөй сактап калуу чарасы көрүлдү. Жабыркагандар жок, кырсыктын келип чыгуу себептери такталууда.
