Кырчын тилкесинде ГЭС курулуп жаткан жерге жүк ташып бара жаткан КамАЗ сайга кулап кетти. Бул тууралуу ӨКМден билдиришти.
Кырсыктын кесепетинен 1 эркек киши каза болуп, 4 эркек киши жабыркады. Жерине ӨКМдин Тоң райондук №38 өрт куткаруу бөлүгүнүн авариялык куткаруу унаасы менен 5 куткаруучу тартылып, жеринде каза болгон адамдын жансыз денесин унаадан чыгарышып, ИИМдин кызматкерлерине өткөрүп беришкен. Ал эми жабыркаган адамдар менчик унаа менен ооруканага жеткирилген.
