Эл арасында ангина менен ооруган адамдарга «Муздак суу ичсең же ысык суу ичсең ангинаны кетирет. Же суу менен калий перманганатынын (марганцовка) аралашмасына чайкасаң жардам берет» деген ишеним бар. “TV Шыпаакана” берүүсүндө ангина темасынын алкагында суроолорго жооп берген оториноларинголог Адилет Джунушалиев жогорку ишенимдер тууралуу суроолорго жооп берди.
«Ангина менен ооруган адам ысык же муздак суу ичпеши керек. Ошондой эле кээде аракка калемпирди чылап туруп ичип алышат. Ал өзү сезгенип араң турган таңдай миндалинанын былжыр безин ого бетер күчөтүп салат. Эл арасында калий перманганатын (марганцовка) суу менен аралаштырып, тамагын чайкап жүрүшөт. Организмге жардам бергендин ордуна биз кайра кыйнап жатпайбызбы. Марганцовканын бактерияларга каршы эффекти бар. Бирок анын ангинаны айыктырууга эч кандай тиешеси жок», — деди дарыгер.