УКМКнын мурдагы төрагасы, өткөн президенттик шайлоого талапкер катары катышкан Абдил Сегизбаев суракка кирген боюнча чыга элек. Бул тууралуу анын жакындары SEREP.MEDIA маалымат агенттигине билдиришти.
Маалыматтарга караганда, ал суракка бүгүн, 25-январда эртең менен саат 10:00дө кирген.
«Бүгүн эртең менен УКМКнын кызматкерлери чакыруу кагазын алып келип, Абдил Сегизбаевди суракка алып кетишкен. 7 сааттан бери сурактан чыга элек», — дешти алар.
22-январда Башкы прокуратура тарабынан Абдил Сегизбаевге каршы жер маселелерине байланыштуу кылмыш иши козголгон болчу.
