Бүгүн, 26-январда мурдагы вице-премьер Аида Исмаилова Экономикалык кылмыштуулукка каршы күрөшүү боюнча мамлекеттик кызматка суракка келди. Бул тууралуу Финполдон билдиришти.
Ал коронавирус пандемиясы учурунда келген гуманитардык жардамдын бөлүштүрүлүшү боюнча сурак берип жатканы маалымдалды.
Өлкөгө гуманитардык жардам жеткирүү ишинде мурдагы саламаттыкты сактоо министри Космосбек Чолпонбаев шектүү катары өтүп жатат. Буга чейин экс-премьерлер Мухаммедкалый Абылгазиев менен Кубатбек Боронов күбө катары сурак берип чыккан болчу.
