Айрым партиялар менен кыймылдар «Намыс жана тартип» коалициясын түзүп, парламенттик шайлоого бирге бармай болду. Бул тууралуу «Ар-Намыс» партиясынын лидери Феликс Кулов соцтармактагы баракчасына жазып чыкты.
Маалыматка караганда, коалицияга «Ар-Намыс», «Улуттар» биримдиги», Кыргызстан элдик-демократиялык саясий партиясы жана «Мекендештер», «Элдик көзөмөл», «Көзөмөл», «Мекен сакчысы» кыймылдары кирген.
Жогорку Кеңештин депутаттарын шайлоо 28-ноябрга белгиленген.