Садыр Жапаровдун мамлекетти оңдосом деген ою бар. Ар бирибиз жардамыбызды беришибиз керек. Бул тууралуу депутат Акылбек Түмөнбаев маек учурунда билдирди.
«Азыр эле «кудасы экенсиз» деп суроо бересиз. Аны билем. Кудамын. 9 жашымда агам менен жеңем үйлөнүшкөн. Биз ага күнөөлүү эмеспиз. «Кудай кошкон куда болот» дейт. Мен сыймыктанам. Куда, айдоочу дегенди ким чыгарган? Мамлекетти талап-тонов, өз билемдик кылган адамдар чыгарган. Мен бир нерсе суранбасам, акча жеп жатпасам, тескерисинче жардамымды тийгизип жатсам… Мен деле Кыргызстандын өнүгүшүнө салым кошоюн деп жүрөм», — деди ал.
