Жакынкы убакытта Мамлекеттик материалдык резервдер фондунун запасын толуктоо үчүн бир катар товарлардын сатып алуусу пландалды. Бул тууралуу бүгүн, 24-мартта өзгөчө кырдаалдар министри Бообек Ажикеев журналисттерге билдирди.
Анын айтымында, 5 миң тонна өсүмдүк майы жана 12,5 миң тонна кумшекер сатып алуу тапшырмасы коюлган. Андан тышкары, литри 59 сомдон болгон 5 миң литр дизелдик май сатып алынганы жатат.
УКМКнын төрагасы Камчыбек Ташиев «Азык-түлүк боюнча 3 министр керт башыңар менен жооп бересиңер. Иштегиле» деди.
