Премьер-министрлик кызматка талапкер Улукбек Марипов парламенттин бүгүнкү, 3-февралдагы жыйынында Баткендеги чек ара маселеси тууралуу да айта кетти.
«Тилекке каршы, Баткендеги Төрт-Гүл суу сактагычына куйган каналдын да баш жагын алдырыптырбыз. Мен бул боюнча да тактадым. Ал жерде стратегиялык маселелер бар. Биз жол маселесин чечишибиз керек», — деди Марипов.