Бүгүн, 25-октябрда жыйында мэр Эмилбек Абдыкадыров президенттин “Жер-укуктук мамилелерди жөнгө салуу жөнүндө” мыйзамынын негизинде Бишкек шаарынын аймагында буга чейин мыйзамсыз делинип келген, бирок ошол жер тилкесинде жашап жана ээлик кылып жаткан бардык жарандардын жер тилкелерин тезинен мыйзамдаштырылып, алар жер укугуна ээ болуулары керектигин баса белгиледи. Бул тууралуу мэриядан маалымдашты.
Калаа башчысынын сунушун президентик администрациясынын президенттин жана Министрлер кабинетинин чечимдерин аткарууну контролдоо башкармалыгынын башчысы Айбек Жунушалиев дагы колдоого алаарын билдирди. “Амнистия мыйзамынын чыгарылышынын максаты дал ошол мыйзамсыз делген жерлерди мыйзамдаштырууга багытталганын баарыбыз түшүнүүбүз керек. Ошонун негизинде чечимдерди кабыл алышыбыз зарыл. Ар бир маселени талкуулап отура берсек ишибиз бүтпөйт. Бул жерде ар бириңердин оюңарды, сунушуңарды бергиле деген жок, мыйзамдаштырып бергиле деп жатат”, — деди ал.
Мыйзамсыз делинген жерлерди мыйзамдаштыруу боюнча чыгарылган мунапыстын аткарылышы кечеңдеп жатканына кайдыгер мамилени токтотууну, жоокерчилик алуудан коркпой, бирдей чечимге келип мыйзамдын аткарылышын тездетүү керектиги сөз болду. “Жоопкерчилик алуудан коркуп жатсаңар, анда жоопкерчилик ала турган жетекчилерди табабыз. Ушул күндөн баштап массалык түрдө элге кызыл китептерин берүүнү баштагыла”, – деди мэр.
