Бишкек шаардык кеңешине кайра шайлоого катышуу үчүн эки партия арыз тапшырды. Бул тууралуу Бишкек аймактык шайлоо комиссиясынын төрагасы Кайрат Маматов соцтармактагы баракчасы аркылуу маалымдады. Анын айтымында, арыз бергендер — «Өнүгүү-Прогресс» жана «Социал-демократтар» саясий партиялары. Экинчиси өткөн шайлоого катышса, биринчиси катышкан эмес.
Бишкек шаардык кеңешине кайра шайлоо 11-июлга дайындалган. Шайлоого катышуу үчүн арыздар 13-июнга чейин кабыл алынат. Үгүт иштери 21-июндан 10-июлга чейин жүрөт.
